Shoqata e Artistëve Figurativ “Zef Kolombi” është formuar në vitet e 70-ta nga artistët ferizajas. Emrin “Zef Kolombi” e ka marrë për nderë të piktorit shkodran të rilindjes Zef Kolombi (1907 - 1949).
Shoqata për katër dekadat e funksionimit të saj, deri në ditët e sotme, ka organizuar një mori aktivitetesh të ndryshme kulturore-artistike, qindra ekspozita të ndryshme kolektive e personale. Ajo për këto katër dekada ka luajtur një rol të rëndësishëm dhe të vaçant në promovimin dhe afirmimin e vlerave kulturore artistike të qytetit të Ferizajt, promovimin e artistëve të ferizajas dhe më gjërë, promovimin e artit modern e bashkëkohorë, si dhe edukimin estetik dhe ngritjen e interesimit të qytetarëve mbi artin dhe kulturën në përgjithësi.
Ndër këto aktivitete përveq ekspozitave të ndryshme kolektive e personale, vlen të përmenden ekspozitat tradicionale si: Salloni pranveror, Dita e pavarësisë, ku ndahet Çmimi “Gursel Sylejmani”, Ditët e Kulturës, 28 Nëntori (Salloni i Nëntorit) etj. Hapësirat ekspozuese në të cilat Shoqtata i ka organanizuar aktivitetet e saj kanë qenë nga më të ndryshmet, sidomos në periudhën kur të gjitha institucionet kulturore ishin uzurpuara dhe kontrolloheshin nga pushteti i atëhershëm. Ndër këto hapësira improvizuese të cilat i mbajtën gjallë aktivitetet artistike të shoqatës janë: Shtëpia e Kulturës “Hivzi Sylejmani”, Shtëpia e Rinisë – te Posta ( e cila më vonë shëndrrohet në Galeri 2004 – 2007), Biblioteka e qytetit, Kafegaleritë “Kata” dhe “Sokoli”, Pizzeria “Bolero”, Kisha Katolike “Engjulli i Rojës”, Shtëpia e Mallrave, Galeria private “Xhakli”, Qendra Rinore – Ferizaj etj, kurse tash artistët dhe qyteti i Ferizajt e ka Galerinë e Arteve si hapësirë adekuate për ekspozimin dhe prezantimin vlerave artistike.
Shoqata ka një numër të madh të anëtareve, dhe zhvillon aktivitete kulturore artistike, dhe ka një bashkëpunim të mirë me institucione të ndryshme kulturore dhe me artistë të ndryshëm në Kosovë dhe më gjerë. Struktura e SHAF “Zef Kolombi” Jetullah SYLEJMANI – Kryetar Lebibe TOPALLI – Nënkryetare Antigona HET.